zohre-vefayi

Saturday, August 21, 2004


ائــل ناغيللاريندان: بــيـــســـتــيــلـــي


بيري وار ايدي بيري يوخ ايدي . تانريدان سونرا ، هئچ كس يوخ ايدي . درين بــير مئشه ده ، بير اودون سينديران قوجا وار ايدي . اونون بير ده قارىســي وار ايدي . آنـجاق بو قاري – قوجانين اوشاقلاري يوخ ايدي . اودونچو، هر گون سحر تئزدن آيــاغا قالـخيب ، بالتاسيني گــؤتوروب ، مئشه يه گئديردي . گـون اورتايا چاتاندا ، قارىسـي اونون ناهار يئمه يينى بير بوقچايا باغـلاييب ، مئشه يه آپاريردي . آخشام چـاغي اودونچو، ائوينه گليب ، بير تيكه چؤره ك يئييب ياتيردي . ايـللر وار ايدي بو قاري – قوجا بو ساياق ياشاييرديلار .


گونلرده بير گون قاري ننه ائولرينين قــاباغيندا ايله شيب و نــوخودلاري آريديردي . بـــير ده يادينا دوشدو كي ائولادي يوخدور . اوره كدن بيــــر آه چكدي . آه ، نوخودلارين بيرينه توققوشدو . نــوخود يئريندن اوينادي . بــير آن قاري گؤردو نوخــود قول – قيش – باش چيخارتدي و بير بالاجا اوغــلان اوشاغي كيــمي قاري ننه نين برابرينده داياندي . و دئدي : آي ننه نــه يه آه چكيرسن ؟ قاري اينانيب – اينانماز دئــدي : آي نوخود ! منيم ائـولاديم يوخدور ! نوخود گولوب و دئدي : آي ننه مــــنيم آديم نوخود دئييل ! منــــيم آديم بيستيلىدير ! قالدي كي من بو گوندن سنه ائـولاد اولارام ! تــكجه سن آه چكمه !


قاري سئوينيب و تئزجه بيستيلىيه پالتار تيكيب و بير ده بير گــيرده كان قابيغيني بوشالـديب و بيستيلىيه ياتاق يــئري تـيكدي . آمما بيستيلي ياتـماق ايسته ميردي . تئز – تئز آناسيندان ســـؤزلر سوروشوردو .


قاري اودونچونون ناهار يئمه يينى بوقچايا باغلاييب ، بيستيلىني اووجــونا آليب مئشه يــه گئتمك ايســته دي . بيستيلي سوردو : نه ريه گئديريك آي ننه ؟ قاري دئــدي : سنين قاغانا ( آتا) يئمك آپاريريق . بيستيلي دئدي : ائيله سه وئر من آپاريم ! قاري گولوب دئـدي : آي اوغول بوقچايا گوجـون چاتارمـي ؟ بيستيلي ىنين اووجوندان يـئره آتيليب و درحال بوقـچاني باشينا آليب يولا دوشدو ! قـاري هويوخ – هويوخ اونا باخيردي !


اودونچو بالتاسيني يئره قويوب قارىنين گلمه يينى گودوردو . بــيردن گؤردو يئمك بوقچاسـي اؤز اؤزونه آيــاق توتوب گليري . بير آز ديققـتله باخدي بـــير كس گؤرمه دي . آنجاق بوقـچا گليب اونا چاتدي . و بـير آندا اونون آلتيندان بير نوخود قده ري اوشاق چيخدي! ( سلام قاغا ! يورولما! ) دئدي !!


و سونرا حال قضييه ني اودونـچويا دئيب و : قاغاجان ! بوندان بئله من سيزين اوغلونوزام ، داها سن و ننه م چاليشماياجاقسيز ! مــن سيزين تامام ايشلريزي گؤره جه يم .


اودونچو دوغروسو اينانمادي . آمـما بيستيلي بالتاني گؤتوروب بئش – اون آغاج قيراندان سونرا ، قوجا ايناندي كي بيستيلي دوغرو دئييبدير. آمما دئدي : آي اوغــــول مــن بو گونه دك اودون سينديرماقلا گئچينميشه م٬ سن گئت بــير صنعت اؤيره ن و بير ياخشــي صنعتكار اول ! آ نجاق تكجه آشاغي باشدا اولان شهره گئتمه !


بيستيلي سوروشدو : آي قاغا ندن آشاغــــي باشدا اولان شهره گئتمه ييم ؟ آتا ( او شهرين بير ظالــيم حاكيمي واردير . او ، سنه لر بوندان اؤنجه منـيم اون پانابات پولومـــــو آليب و قايتارماييبديــر ، او اوزدن من بئله يوخسول قالميشام . سن ده باشــــــقا شــهره گئت و صنعت اؤيره ن ) دئدي . بيستيلي آزجا فيكيرله شدي و دئدي : ايندي آخشام اولدو ، ائــــوه گئده ك ! ننه بــيزلري گؤزلـه يير ! صاباح اولسون بو بــاره ده دانيشاريــق . آنجاق آتا – بالا ائوه گليب او گئجه چــوخلو دئييب – دانيشيب و گــولدولر و نهايت ياتديلار .


سحر ايسه قاري سئوينجك آياغا قـالخيب گيرده كان قابيغينا ســاري گئتدي تــا بيستيلىني اوياتسين . آمما نـه گؤرسه ياخشىدير ؟ بـعلي ... بيستيلي يـــوخ ايدي . او گئتميــشدي . قاري آغلاماغا باشلادي . اونون سسينه قوجـا يوخودان آييلدي . حقيقت ماجرانـي بولدو . و سونرا قاريا دئدي : من بيله لي بيستيلي آشاغي شهره گئديبدير . او ، ظاليم حاكيــمه راست گلسه بير ده ائوه قاييتماغي مومـكون دئييل ! يقين حاكيم اونو اؤلدوره جـــكدير . او داها قايتماياجــاقدير .


قاري بو سؤزلري ائشيدنده داهـا اوجادان آغلاييردي . آمــما نه فايدا داها بيستيلي گئتميشدي !


ديگر طرفدن بيستيلي بير بوخچا اؤزونه يئمك گؤتوروب مئــشه دن آشاغىيا گئتدي .. گئتدي ... گئتدي و نهايت آشــــاغي شهره يئتدي . كوچــه لري بير به بير ســوووب حاكيمين سارايينا يــــاخينلاشدي . بــالاجا اولدوغونا گــؤره حاكيمين گودوكچولري اونــــــــــو گؤرمه ديلر . بيستيلي بير – ايكي – اوچ د ئييــــــب سارايين ان اوجا ديوارينا آتيلدي ! بير نـفس آ ليب و اوجــادان باغيرماغا باشــلادي :


دده م دئدي بيستيني وئرسـبن !
آلتيني يئييب اوستونو وئرســيـن ! ...
دده م دئــدي بيستيني وئرسين !
آلتـــــيني يئييب اوستونو وئرسين ! .


حاكيم اوتاغيندا ايله شيب و چوخلو يئمكلر دؤوره سينه ييغيب ، يـــئمه يه مشغول ايدي . بيردن بيره بــــــــو سسي ائشيد يب ، آجيقلانيب و آياغا قالخدي . گودوكچـــولرينه دئدي : تئز گئدين و بــــو دلي – ديوانه ني توتون و بورايـا گتيرين ! گـودوكچولر قاچيب ، بير نرديــــــــوان گتيريب ، ديوارا چيـخيب و بيستيلىنـي توتوب حاكيمه ساري گتيرديلر . حاكيم باخــــدي بير بالاجا نوخود بويوجا اوشاقدير گولدو ! چوخلو گولدو ! سونرا دئــدي : بونو سارايين حيه طينده اولان بؤيوك سو گؤلونه آتين تا بوغولسون و بيز ده اونون بوغولماغينا گـــوله ك !!


گودوكچولر بيستيلىني سويا آتديلار . بيستيلي بير – ايكي – اوچ دئــــــدي ، آغزيني آچدي و گــــولون تامام سويون هوپوردوب ، قارنينا آلدي . يئنه آتيليب ديوار باشينا چــــــيخيب و باغــــــيردي :


دده م دئدي بيستيني وئرسين !
آلتيني ييئييب اوستونو وئرسين !


حاكيم غضبله نيب گودوكچــولره يئنه دئدي : اونو توتون ! چــــــوخلو اودون ييغين ! يانديرين و اونــو اودون ايچينه سالين تا يانـــــــسين و بيز اونون يانماغينا گوله ك !!


گودوكچولر تئزجه اودون ييــغيب ، اود يانديريب و بيستيــــلىنين ال – آياغينى باغلايــــيب ، اوزاقدان اودون ايچـينه آتديلار . آمما اوشاقلار ! بيستيلىنين قــارني سويلا دولموشدو . اونا گؤره ده بير – ايكي – اوچ د ئييب ، قارنيندا اولان ســـــــويو اودون ايچينه پـوفله ييب و اود تامام ســوندو ! يئنه ديوار باشــينا آتيليب و دئــــدي :


دده م دئدي بيستيني وئرسين !
آلتيني يئييب اوستونو وئرسين !


حاكيم داها غئيظدن هلاك اولوردو . يئنه بــــويوردو بيستيلىنــي توتوب يانينا گتيرســينلر . بير آز فيكيرله شيب و دئـــــدي : آشپز باشىيا دئيين بير يئكه قازان آش پيشيرسين و بو نوخـودو سالسين او قازاندا پيــشسين و سونرا گتيرين من اونو يئييم !


آشپزباشي بير يئكه قازان آش قويدو و بيستـــيلىنين ال – آياغينى باغـــلاييب و قازانا سالدي . بير ساعات قايناياندان سونرا آشي بيـر كاسايا چكيب و حاكيـمه گتيردي . حاكــيمسه سئوينجك آشي ايچــيب و بير راحات نفس آلار ! آمما اوشاقــلار بيستيلي يامان بــــير اوشاق ايدي . بير – ايكي – اوچ د ئييب حاكيمين قارنيندان بــير تپيك ووروب و اونون قارنينى يــيرتيب و ديشارىيا چيـــخار !! يئنه ديوار باشينا آتيلـيب و دئيه ر :


حاكيمين قــــارني ييرتيلدي ،
منـــيم ياخام قورتولدو ! ...


حاكيم داها آز قالسين آغلاييردي . يئنه گودوكچولـره دئيه ر اونو توتوب و يانينا گتيرسينلر . بــو دؤنه حاكيم دئيه ر : آي بـاش بلاسي ! منـدن نه ايستيرسن ؟ بيـستيلي دئيه ر : سن منــيم آتامدان اون پانابات پول آليـــبسان٬ وئر گئديم . حاكيم فيكيرله شر و اؤز اؤزونه دئيه ر : بو نوخود بويوجا اوشاق نه قده ر پول و جــواهير گؤتوره بيلر ؟ ياخشىسي بودور دئييم اونو آپــاريب منيم خزينه مه سالسينلار٬ سونرا حـاكيم گودوكچـولره دئيه ر : بو بيستيلىني آپارين و منيم خزينه مــه سالين ، هر نه قده ر پـــول گؤتوره بيلسه گؤتورسون و ســونرا ساراىدان ديـــشارىيا بوراخين !


گودوكچولر بيستيلىني گتيريب خــــزينه يه سالارلار . آمما ... بيستيلي بيـــــر – ايكي – اوچ دئييب هر نه قيزيل – جـواهير – ميرواري ... وار ايدي قارنينا آلار ! حاكيم بو ايشه مات قالار! آمما داها چاره سي يوخ ايدي . بيستيلىنـي بوراخار و بيـستيلي سئوينجك مئشه يه قاييدار


قاري و قوجا اونو گؤرمكدن چــوخ خوش اولارلار . بيـسـتيلي سه اوددوغو خزينه ني اودونچونون ائوينه تـــؤكر و ايللرجه شاد ياشايارلار ! -


سيز ده خوش ياشايين عزيز اوشاقلار !



زهره وفايي



posted by 7:35 PM

Wednesday, August 11, 2004



آذربايجان ، بحث روز محافل داخلي و خارجي


حركت ملي آذربايجان كه در دو دهه اخير با استراتژيهاو جلوه هايي متفاوت تر از دويست سال قبل در جرياني جدي است ، امروزه به موضوع مورد بحث محافل داخلي و خارجي تبديل گرديده است . اين حركت كه در نوع خود بي نظير است و به سبب همين بي نظير بودن امكان هر گونه پيش بيني و برنامه ريزي را از سوي ناظران سلب نموده است ، با تمام توان در ادامه روند حاضر حركت پا فشاري نموده و در جريان مي باشد .


مخاطبان حركت بي آنكه از سوي فعالان بطور مستقيم مورد خطاب قرار گيرند ، نهايتا تن به قبول اين حركت داده و هر چند كه اين مقبوليت لفظا و مستقيما بيان نمي گردد اما تغيير شيوه هاي مقبوليت و حتي شيوه هاي مخالفت كاملا نشان از تغييري كلي در استراتژي هاي سابق دارد . حركت ملي آذربايجان كه در واقع با حركت اقشار و طيف هاي مختلف موجود در آن پيشتاز تمامي حركت هاي مدني دو دهه اخير به شمار مي آيد ، نه تنها هيچ مبتكر فردي ندارد بلكه هيج گروهي نيز ادعاي ابتكار آن را نيز نمي تواند داشته باشد . چرا كه اين حركت سرچشمه از خرد جمعي و اراده جمعي و مطالباتي در راستاي تامين منافع جمعي دارد فلذا در مسير اين حركت به هر فرد و گروهي ميتوان بر خورد كه با ديگر افراد و گروههاي حاضر در حركت نكات مشترك بسياري را داراست و با اتكا بر همين نكات اشتراك در پيمودن راهي چمين نو و تقرينا پيشتاز بر ديگر حركات ، ترديدي به خود راه نمي دهند در حاليكه ياسي نيز بر آنها راه ندارد . آنچه كه سابقا به نام بي خبري اطلاق مي گرديد امروزه به صورت سكوت سياسي جلوه گر است و آنچه كه سابقا به نام گردن نهادن شناخته ميشد امروزه به تامل سياسي تبديل گرديده است . حذف مقام ها و رده بندي هاي كاذب ، پرداختن تنها در حد توانا ئيهاي فردي و گروهي و در نتيچه كاررابه كاردان سپردن ، تمرين هاي مداوم براي كارهاي گروهي ، اولويت دادن به تدبر در مقايسه با تكلم ، مطالعه در مقايسه با مجادله ، حذف بر خوردهاي فيزيكي تا نهايت درجه ممكن ، حذف فعاليت هاي زير زميني ، شفافيت افكار – گفتار و به تبع كردار ، اشتراك دادن تمامي داوطلبان بدون رد حتي يك مورد ، شناختن توانائيها و استفاده بهينه از آنها ، .....و صدها مورد ديگر ، همگي از جلوه هاي ويژه اين حركت ملي است كه امروزه توانسته است خود را آنچنانكه هست به جامعه داخلي و جوامع خارجي بنماياند و امكان هر گونه مانور غير واقعي را از آنان سلب بنمايد .آنچه كه در اين مرحله از حركت بر فعالان روشن است ادامه حركت در بعد هاي مناسب شرايط حال در كنار حفظ دستاوردهاي گذشته ميباشد كه بعد سوم يعني حفظ چشم انداز آينده هاي دور و دورتر ، نيز در كنار اين دو پروسه كماكان مد نظر فعالان ميباشد .


18 و 19 تير ماه هر چند كه آخرين گردنه غبار آلود راه نبود ، اما سخت ترين آن بود و بالطبع گذز از اين گردنه حس اعتماد و اميدواري به درستي راه رفته را در رهروان اين حركت ملي بوجود آورد و در عين حال به راهـــــزنان عليه اين كاروان فهماند كه متاع اين كاروانيان چيزي نيست كـــــه قا بل دزديدن و فروختن در بازار ما ل خرهاي فراوا ن روز باشد !هرچند كه دشمنان كور و قسم خورده اين حركت حتي پس از شناخت دقيق از آن نيز ، دست بردار نيستند و هنوز هم راههاي رفته را مي آزمايند و مي آزمايند .اما غافل تر از آن مي نمايند وقتي كه با القاء كلماتي تكراري و القابي القايي كه ريشه در آرزوي نهفته آنان دارد ، سعي به بيراهه كشاندن اين حركت را دارند . زماني كه آنها با وقاحت تمام ريشه حركت را به آن سوي مرزها مي كشانند در واقع با زبان بي زباني مي خواهند ترس و واهمه ء خود را از تكرار ا قتدار صفويان – افشار – قاجار ........بيان دارند ! آنها هنوز هم طعم خوش ايام آريايي پهلوي را در زير زبان خود مزه – مزه كرده و نداي وا ا سفا را سر مي دهند ! دليل و منطق آنها به اندازه خود آنها توخالي و پوچ است ، بنگريد :( اگر امروز به آذربايجاني اجازه بدهيم اسم آذري روي فرزند خود بگذارد همين فرداست كه سيستاني و بلوچستاني ادعاي تجزيه و استقلال بكند !!).و بسا جاي خوشوقتي كه در ميان دولت مردان كسي به راي آنها توجهي ندارد و گرنه الي الابد تاريخ خوانان بر منطق و عمل آنان مي خنديدند .


فلذا با توجه به اينكه حتي يك نكته مبهم در مطالبات اين حركت ملي وجود ندارد تعبير و تفسير آن كاملا بي مورد مي نمايد و باز جاي خوشوقتي كه دولتمردان وقت وا قف به اين امر ، در صدد گشودن راههاي مراوده و مسالمت با اين قشر عظيم مردمان مصمم هستند .


محافل خارجي كه عمدتا در مسائلي با دولت ايران تضادها و اختلاف نظرهايي دارند ، اگرچه اغلب حركت ملي آذربايجان را بعنوان اهرمي براي فشار بر دولت ايران تلقي مي نمايند اما از آنجا كه تا اين تاريخ نتوانسته اند نفوذي بر اين حركت نموده و قدمي در راه خواسته هاي خويش از اين طريق بر دارند ، عملا از اين نظر خويش چشم پوشيده اند و كما في السابق فعلا به سراغ گروههايي كه در طول تاريخ بسيار سهل تر از ديگران قابل خريد و فروش بوده اند رفته و مي بينيم كه چگونه از آنان در راه مقاصد خويش استفاده مي نمايند . اما در مقابل محافل و مجامعي كه مسئله را امري كاملا مدني و انساني قلمداد مي كنند ، در شناخت حركت ملي آذربايجان تا حد زيادي نزديك به واقعيت امر ، پيش رفته اند و اين تاييد البته به معناي دوستي الي الابد نيست و چهار چوب مناسبت هاي بين المللي ايجاب مي نمايد كه مناسبات چه بين دول و حاكميت ها ، چه مابين نهادها و سازمان ها ، چه فيمابين مراكز و جمعيت ها همواره مناسب روز و شرايط جاري باشد . ترديدي نيست كه رهروان حركت ملي آذربايجان بيش از همه بر اين امر واقف هستند و با ويژگي خاص حركت ، هرگونه تاييد و تكذيب را به دفعات مورد بررسي قرارداده و واقعيت امر را در مقايسه با مطالبات خويش مي سنجند . آزمايش عظيم تيرماه سال جاري ، با ره آوردي بسيار عظيم تر ، علاوه بر اينكه فرد فرد آذربايجانيها را براي ادامه راه محق خويش مصمم تر نمود بلكه بعد واقعي حركت را به تماشاگراني كه هر يك بدنبال هدفي ناظر امر بودند ، نماياند . در اينكه فعالان حركت ملي كماكان به راه مصلحت خواهند بود يقين كامل از سوي همگان البته ، حاصل است ، اما در اينكه مخالفان دست از زياده خواهي و زياده گويي بر خواهند داشت ........مشكل بتوان اميدوار بور !



زهره وفايي

zeynabpasha@issa2000.net
www.zohre-vefayi.blogspot.com


posted by 1:23 PM

Tuesday, August 10, 2004



زهره وفايىنين سولدوزدا چيخان "ارمغان آذربايجان" درگىسينين ايل دؤنومونده ياپديغى چيخيش:


(( مرداد» آينين 17 سينده سولدوز شهرينده (ارمغان آذربايجان) درگي سينين ايكينجي ايل دؤنومو موناسيبتىيله بير گؤزه ل مراسيم گئتدي . زهره وفائي نين بو مراسيمده قادينلار حاققيندا آپارديغي دانيشيق :


بئله گؤزه ل بير گونده گؤزه ل دوستلارلا برابر اولماق دوغروسو منه بير بؤيوك سعادت سانيلير. خوصوص قلمداش دوستلارلا ، بلكه بيلمه دن ، بير چوخ زاماندير بير داواملي و ديرلي يولون يولداشي كيمي برابر ياشاميشيق . و خوصوص بيزيم اؤلكه و خوصوص بيزيم ايالتلرده ، قلمداشليق و يازي ساحه سينده اولماق اؤزه ل و ديرلي بير معنادا گئدير . گئچه ن گونلرده بئله بير مراسيم اورمو شهرينده (اورمو سسي) دوستلاريله بيرليكده گئديردي . موسوي تبريزي جنابلاري اورادا بير ياخشي سؤز بويوردولار . اونلار دئديلر بوگون اؤلكه ده مدني تشكيلات خوصوص پارتييالارين اولمامازليغي و چاليشمامازليغي سبب اولور درگيلر بير پارتييا قده ري خالق ايچينده يئرلري اولسون . آنجاق بو سؤزو بيز دئمه لىيديك و موسوي جنابلاري جاواب وئرمه لىيديلر . بو گون سولدوزو باشقا يئرلره ائعلان ائده ن اونون اؤنجول اولان درگيلري و باشدا اولان قلم صاحيبلريدير . و من تكرار بئله ضياليلارلا برابر اولماقدان فخر ائتمه ييمي گيزله ده بيلميره م .


1365 ده آيليق ساتيريك و تنقيدي چوالدور آدلي درگيني يايماق ايسته يه نده تئهراندان گلن بير نئچه قارداش مني سيناماغا گؤره سوروشدولار: درگي يايماق بيليرسن نه دير / بيليره م دئديم . بير داها دئديلر درگي يايماق آش پيشيرمك دئييل / بونو بيلمه لىسن و من (آمان قارداش آش پيشيرمكدن دئمه٬ او منه يازي يازماقدان چوخ چتين گلير) دئديم . تاسسوفله بو سورولار و توققوعلار بيزيم بوگونكو گئديشاتيميزدا قادينا وئريلن يئري بيلديرير . 1369 دا چووالدوزون ايذنيني آلديم و ايش يئري قورماق اوچون بونگاهلارا موراجيعه ائتديم . يوزه يوز فاييز مندن سوروردولار: ايش نه دير٬ آراييشگاه يوخسا خيياطي / دئمك عوموم فيكير قادينلارا تكجه ايكي پئشه ني بوراخميشدير : آراييشگاه و خياطليق / بو عومومى آنلاما كيم و نه واسيطه لرله چاتميشدير ؟


آذربايجان تاريخينه موراجيعت ائدنده 7000 ايل بوندان اؤنجه سنه لره عاييد جننت يارانيشي و اينسان يارانيشي سؤزونه راستلاشيريق . اينگيليزلي آراشديريجي و آرخولوژيستي (جنه سيز) يازير كي جننت و بئهئشت عدن آدلانان يئر، بوگونگو اذربايجان و داها دقيقجه سولدوز يئرلريدير . جننتين اؤزه لليكلري اولان داغ٬ مئشه و چايلار بورادا گؤرونور. (جنه سيز)دن سونرا سومئرلرين قادينلاري كيتابيندا (اليزه سي برت) يازير كي تانري (نين خورساق) تانريلارين ان اولوسو اولان ، باشقا تانريلارا جننتده اولان بير اؤزه ل سودان ايچمه يي موطلق قاداغان ائدير . تانري ( ا نكي ) سهودن بو سويو ايچير . اولو تانري ا ونا غضبله نير . سكگيز خسته ليك اونون جانيني آلير . باشقا تانريلار« ائي اولو تانري ! اونو باغيشلا٬ اونون جانيني بو خسته ليكدن قورتار! » د ئييب يالواريرلار . نهايت اولو تانري اونون يئتدي خسته ليينى گؤتورور، آمما سكگيزينجي خسته لييي٬ كي اونون سول و سون قابيرقاسيندا ايدي قالير .


تانري (انكي) دوققوز آي آغري چكندن سونرا ، نهايت قابيرقاسيندان بير قادين دوغور . قادينين گؤزه للييي باشقا تانريلاري بير ائيله ماراقلاندير كي هر بيري او سويا ساري يوگوروب و اوندان ايچمك ايسته ييرلر . اولو تانري ديگر تانريلاري بو سهودن قوروسون دئيه٬ تانري (انكي) و اونون قاديني تانري (نين تي) ني جننتدن ديشارىيا بوراخير . اونلار يئر اوزونده ائولادلار دوغوب و اينسان نسليني تؤره ديرلر . بو آدليم يارانيش باشلانيشي سونرالار (كرامر) عاليم يازميشجا ، توراتدا٬ اينجيلده و حتتا قورآن كريمده بير بالا دييشيكلرله يازيلميشدير . ائيله سه بيز بوگون سولدوزدا ، ايلك قادينين يارانديغي يئرده دايانميشيق / ميليونلار اينسان بو جننتين حسرتيني چكدييي يئرده !


نهايت قادين يئري اذربايجان يئرلرينده سنه لر و عصيرلر آز و يا چوخ دييشيكليكلرله گؤرونور . سنه 600 ميلادي ايللرينده ايسلام ديني حيات تاپان ايللرده ،آذربايجان اؤلكه سينده زرتوشت ديني حاكيم اولاراق قادينلار بير اؤزه ل و ديرلي سيرادا يئرلشميشلر . ديزلره چاتان الوان الوان چارغاتلار بو گونكو زرتوشتي قادينلار كيمي او گونلر ده قادينلارين اؤرتوك و حيجابي كيمي گئديردي . چارغاتلارين رنگي بير قادينين ياشيني ، عاييله سيني و دورومونو بللي ائديردي . همين سنه لرده عرب يئرلرينده گؤروروك كي عرب قادينلار پالتارسيز و دليجه ، بوتلار چئورسينده اويناييب ، ايچيب و عيبادت آدلي عنعنه لرينى يئرينه يئتيريلر . تبريز گؤي مسجيدينده تاپيلان مزارليقلار گؤسترير كي قادينلار و ارلر هر بيري وفات ائدندن سونرا ديگري ايسته دييي حالدا بير زهر ايچيب و اونلا برابر توپراغا گئدير . اونلارين پالتارلاريندان٬ قابلاريندان قالان اثرلر عاييله نين باغلانتىسي و اونون اؤنمي اذربايجانليلار آراسيندا آيدينجا بيلديريلر . بير ارليك و بير ائوليليك رسمي داواملي حالدا بو ائل آراسيندا گئدير . دوغروسو قادينلار او سنه لرده بير اينسان كيمي ارككلرله برابر ياشاييرلار . ايسلام ظوهوري البتته كى عرب خالقي و عرب عاييله لري ايچينده چوخلو گؤزه ل دييشيكليكلره باشارا بيلدي . عربلرله ياشايان چوخلو خورافاتلار بو دين واسيطه سيله سيلينيب و آرادان گئتدي . آنجاق ديگر خالقلاردا دا اثرسيز اولمادي . ائل آراسيندا دئييريك پئيغمبرين چيراغي قيزدان ياندي . دئمه ك پئيغمبر سلام الله و قيزي فاطمه جنابلاري برابرليكده باشارا بيلديلر عربلر و ديگر خالقلار آراسيندا بيلديرسينلر كي قيز و اوغلان ائولادي آراسيندا هئچ فرق يوخدور و تكجه تفاووت اوندا اولور كي آلديقلاري تربيه تفاووتلو اولسون . خوصوص حضرت فاطمه او گونون پوليتيك عالمينه قوشولماقلا و سياسي پروبلئملرده حاضير اولوب يول گؤسترمكله دوغروسو او گونده بير بؤيوك و دانيلماز رول اويناميشدير .


آنجاق بو ديرلي ايزلري هارادا ايتيرميشيك ؟ بو گون من يقينجه بير سؤزو دئمه لييم كي اذربايجان 7000 ايليك عؤمرونده هئچ زامان و هئچ سنه ، موعاصير 10 - 15 ايل كيمي قادينلاري٬ قيزيلا – پالتارا – بزه يه ماراق و مئييل گؤسترمه ميشلر / بو آجيلي گرچك هارادان باش وئرير ؟ تيلياردلار قيزيل و جواهير قادينلارين قول - بوينون بزه يه رك دوغروسو نه اذربايجانلي و نه موسلمان كيمي ياشاييريق . يوخسا موسلمانچيليق تكجه باش اؤرتويونده دير ؟ بس اوخوماق – يازماق - نون والقلم نئجه اولور ؟ سهولر كيمدن باش آلير ؟ حاكمييتدن ؟ بيگلريميزدن ؟ عوموم دوشونجه سيندن ؟ زورلاما سياستلردن ؟ منجه هامىسيندان ! تكجه سوچسوز كس بو آرادا قادينلارديلار . نه دن ؟ چتينليكلرله اوز – اوزه داياناندا ، هانسي قانون و هانسي حاكيم قاديندان حيمايه ائده جكدير ؟ ائيله حالدا اونون هارايينا تكجه توپلاديغي قيزيللار گله جكدير .

.
سيزجه بوگون بيزيم قيزلار و قادين لار حتتا تاسسوفله يوكسك تحصيل آلميش قيزلاريميز دا فال و فالچي موشتريسي كيمي ايصرارلي گئديرلر . البتته قطعييتلي قانون اولمايان حالدا ، حيمايه اولمايان حالدا ، خورافاتا اوز گتيرمك سون يول كيمي قالير / ديگر طرفدن بير پارا عاييله لر همين دورومدان فايدالاناراق قادينلاري ان سيخينتي حالدا ساخلاييرلار و دؤنه دؤنه – زامان خارابدير .. چاره يوخدور .. دئييرلر . زاماني خاراب ائده ن كيمدير /؟ مانئعلره تسليم اولماق نه تك مانئعي گئري قايتارماز بلكه داها آرتيق مانئعلري قارشيدا تؤره ده بيلير . ائله سه هر چتينلييه تسليم اولمادان اؤنجه٬ اونون آرادان اپارماق يوللاريني سيناماليييق . و نهايت اوندا كي تسليمه مجبور قاليريق همين بو تسليمي ده ،بير ائعتيراض كيمي ائعلان ائده ك . البتته دئديييم كيمي آذربايجانلي تاريخدن – كولتوردن – اينامدان – مدنييتدن بير ائيله غني و وارليدير كي باشقا خالقلارا ال آچمادان گؤزه لجه ياشايا بيلير . آنجاق بو باشاريني دا بيزلره چوخ گؤره نلر ده واردير . اونلار بيزيم تاريخي تحريف ائتمكله٬ كولتوروموزو تحقير ائتمه كله – ايناملاريميزي تكفير ائتمك له – و مدنييتيميزي دانماقلا بيزي يوخلوغا ساري آپارماغا چوخ جان آتيرلار .


آمما بونا ديققت وئرين : ايه ر بيز بوگون ايكي يوز ايلدن آرتيق سيخينتيدان سونرا سولدوزدا توركجه دانيشيريق و اؤز مدنييتيميزو تاريخيميزدن سؤز آچيريق بو تكجه و تكجه بيزيم ايناملي اولماغيميزدان آسيليدير و بو باره ده هئچ كيمسه بيزه ميننت وورا بيلمز . ائيله سه تحريفلردن – تكفيرلردن – تحقيرلردن قورخمادان اؤز وارليغيميزي باغيريب و دونيايا ائعلان ائتمه لىييك . و بو يولدا عئيني آتا بابالاريميز كيمي قادينلاري بير دوشونجه لي و باشاريلي اينسان اولاراق ايشتيراك وئرمه لىييك . يوخسا خالقدان 50 فاييزي قادين اولدوغونا گؤره عومومى ياشاييشدان ايراغا قويولاندان سونرا قالان 50 فاييز ايكي قات چاليشماليديلار . و بو يقين كي اولان ايش دئييل . بوگون اوروپا بيرلييي بير حالدا دونيايا حؤكوم سورور كي اونون پارلامئنتينده 31 قادين نوماينده سي واردير / يوخسا بيزلر( اولجايتو) زامانيندان بري بو قورولتايين دبيني قويانلار دئييليك ؟ نه دن بس بوگون اوروپا اونا ماليك اولسون و بيز هله فيكيرله شك ؟ بو غفلتدن هر ساعات سوووشدوقجا آغير صدمه لره راستلاشيريق . اونا گؤره ده همين بو ساعاتدان بير مومكون و دوزگون چاره يولونو فيكيرله شمه لىييك . ياشاسين غئيرتلي آنالاريميز !


posted by 3:00 PM

Wednesday, August 04, 2004


آختار تاپ !


- آختار تاپ !
- زهره وفايي
- ايلك ياييم : تبريز – 1383
- 16 صحيفه – بوي رقعي – 300 تومن
- زينب پاشا كيتاب نشرياتي


بو 16 صحيفه ليك اوشاق ادبيياتي ساحه سينده ياييلان كيتاب اوشاقلارا فيكير چاليشما اويونلاريندان عيبارت 16 اويوندور . بو اويونلاردا اوشاقلار موختليف ساحه لرده بير پارا دوزگون يوللاري آختاريب تاپماغا چاليشيرلار . اويوندان سونرا اوشاقلار رسيملري ايسته ديكلري كيمي بويايا بيليرلر .


قارين قولو جوجه


- قارين قولو جوجه
- زهره وفايي
- شكيللر: آذر خطا بخش
- ايلك ياييم : تبريز 1383
- 16 صحيفه – بوي رقعي – 300 تومن
- زينب پاشا كيتاب نشرياتي


قارين قولو جوجه يئر قوردو ييغيب و يئمه يي ايله اوشاقلارا 1 دن 10 كيمي سايماغي – علاوه ائتمه يي - . كسر ائتمه يي اؤيره دير . تورك ديللي اوشاقلارا ياييلان ايلك ماتئماتيك كيتابي اولاراق قارين قولو جوجه چوخلارين ماراغيني چكميشدير . نهايت اوشاقلار كيتابين شكيللرينى بويايا بيليرلر .


حيدر عم اوغلو


- حيدر عم اوغلو
- زهره وفايي
- ابلك ياييم : تبريز – 1382
- 60 صحيفه – بوي رقعي – 400 تومن
- زينب پاشا كيتاب نشرياتي


آذربايجانين يورولماز و ضييالي اينقلابچىسي حئيدر عم اوغلو شرح-ي حالي بو كيتابدا موختصرجه گنج اوخوجولارا يازيلميشدير . بير پارا شكيللرله علاوه اولان بو كيتاب٬ يئني يئتمه نسيل ايچون آذربايجان تاريخينين اونودولموش گوشه لريندن بير نئچه سينى عيان ائدير .


سومرلرين موسيقي سي


- سومرلرين موسيقىسي
- فرانسيس . و. گالپين
- توركجه يه چئو.يره ن : زهره وفايي
- ايلك ياييم : تبريز – 1382
- 120 صحيفه- بوي رقعي-800 تومن
- زينب پاشا كيتاب نشرياتي


فرانسيس . و . گالپين آدليم اينگيليزلي آرخالوژيست سومئرلر حاققيندا ديرلي تدقيقاتي اولاراق اونلارين موسيقىسي ساحه سينده اؤزه ل بير كيتاب يازميشدير . 130 دان آرتيق شكيلي اولان بو كيتاب سومئرلرين درين و دانيلماز ايليشگىلرينى بو گونكو تورك ديللي خالقلاريله بيان ائدير . آذربايجان اسكي تاريخيله ماراقلانان اوخوجولارين ديققتيني چكن بو كيتاب ايكينجي ياييما حاضيرلانير .


ضرب المثل لر


- ضرب المثللر
- زهره وفايي
- اوچونجو ياييم – تبريز – 1383
- 140 صحيفه – بوي رقعي – 1500 تومن
- زينب پاشا كيتاب نشرياتي


7000 دن آرتيق تورك ديللي آذربايجانليلارين ديلينده گزه ن ضرب المثللر آلفابئت اوزوندن بو كيتابدا سيرالانيب و يازيلميشدير . ايلك ياييم 1373 ده ايكينجي ياييم 1375 ده اولموشدور .


اوشاق مكتبي ( 1 )


- اوشاق مكتبي (1)
- زهره وفايي
- ايلك ياييم تبريز 1383
- 16 صحيفه – بوي رحلي – 400 تومن
- زينب پاشا كيتاب نشرياتي


تورك ديللي اوشاقلارين آذربايجان يئرينده ايلك درگىسي اولاراق اوشاق مكتبي تامام توركجه يازيليب و ياييلميشدير . آنجاق توركو ديل تكجه ناغيل و شئعر دئييل ، بو درگىده آيدينجا گؤرسه نير . چئشيدلي ماتئريياللار هر بير ساحه ده بو درگىده گلميشدير . درگي ايكينجي ياييما گئدير .


اوشاق مكتبي ( 2 )


- اوشاق مكتبي ( 2 )
- زهره وفايي
- ايلك ياييم تبريز – 1383
- 16 صحيفه – بوي رحلي – 400 تومن
- زينب پاشا كيتاب نشرياتي


ايكينجي سايي ساييلان اوشاق مكتبي درگيسي ايلك نومره نين داوامي اولاراق ياييلدي . چئشيدلي ايمضالار اونون اوخوجو سايىسيني بيلديرير . اوچونجو سايي چاپ آلتيندادير .


posted by 6:12 AM

Sunday, August 01, 2004



آذربايجانين ميللي حركتي و ليدرليك پروبلمي



تاريخ بويو خالقلار آراسيندا گئده ن دئيشيك ليكلر هر عنوانلا اولموشسا دا و هر توره لي گئتميش سه ده ، بير بللي اوزه لليكلر ماليكي اولموشلار . « ايندي كي دورومدان ناراضيليق و يئني دورومو ياراتماق » مقصدي بو دئيشيك ليكلرده بير اورتاق اوزه لليك كيمي هر زامان دا اوزه چيخميشدير . آنجاق همين اورتاق ليقدا يئنه چئشيدليكلر گورونور . مثال دورومون هانسي بير چاتمامازليقيندان ناراضيليق ، اوزلويونده ، بير چئشيدليليك اولا بيلير . بير پارا قانونلارين دوزگون يئرينه گئتمه مييندن ، بير پارا قانونلارين يازيشيندان ، بير پارا قانونلاري يازا ن ريسورسلاردان ، بير پارا قانونلاري يازان كسلردن ، و حتي بير پارا خود حاكميتدن ناراضي اولاراق ياشاييرلار . ائيله سه بو بير « پارالارين » ايسته يي ده ، ناراضي ليقلارينا گوره چئشيدلي اولاجاقدير . آنجاق بو آرادا اورتاق ايسته كلر و اورتاق ناراضيليقلار واردير . بو ايسته يي و ناراضيليقي تاپماق و « بير پارا » لارين ايچينده يايماق ، كيم و يا كيمسه لرين گوره وي دير ؟


ديگر طرفدن ناراضيليق و ايسته كلر ايچينده بير اونملي فاكت واردير و او « هانسي اوستون توتولماليدير » سوزودور . ساده جه ، بير انسان يئمه ك – ايچمه ك – گئيمه ك – گزمه ك – يازيب اوخوماق – ياتيب دينجلمه ك -...ايسته كلري واردير . بونلارين هانسي بيريني اوستون توتماق اولور ؟ آج بير انسانا ، گزمه ك تكليف ائتمه ك اولورمي ؟ و يا توخ بيريسينه تكرار يئمه ك تكليف ائتمه ك اولورمي ؟ ا ئيله سه اوستون ايسته ك نه ديرسه ، اونو دوروم بللي ائدير . آنجاق بو اوستونلويو ، دورومو دقيقجه باشا دوشه رك ، كيم و يا كيمسه لر خالقا تكليف ائتمه لي و بيلديرمه ليديلر ؟


ناراضيليقلار و ايسته كلر اورتاق يئره گلندن سونرا، اوستونلويو بللي اولاندان سونرا ، اونلاري باشدان ائتمه ك و يا الده ائتمه ك يولو، بلكه يولون ابتداسيدير . بير دوروم دان ناراضي اولماق و بو ناراضيليقا حاقلي اولماق ، يقين كي بئله بير دورومو آرادان آپارماق تكليفيني گتيرير . هر بير ناراضيليقي هر بير يول ايله آرادان قالديرماق اولورمي ؟ مثال : ياغيش ياغاندا بير پارالار پاراشوتلارين آچيب يوللارينا داوام ائديرلر ، بير پارالار سايمادان يولا دوشورلر ، بير پارالار اوزلريني بير امن يئره يئتيريب و ياغيشين سونون گودورلر و... ..بو چئشيدلي يوللار نه دن يارانير ؟ چوخ نورمال اولاراق انسانلارين اوره ك ايسته كلريندن و ايناملا آلديقلاري درسلردن . ئيله سه آمانسيز ياغيشدان آماندا قالماغي و عيني حالدا ايره لي گئتمه يي كيم و يا كيمسه لر خالقا اويره ده بيليرلر ؟


و داها اونملي ناراضيليقي آرادان قالديراندان سونرا ، اوستون ايسته يي يئرينه يئتيرمه ك ، هر بير دئيشيك ليكليين نتيجه سي سانيلير . نه دن كي ناراضيليق يارادان ريسورسلاري محو ائتمه دن سونرا ، چوخلو كسلر جسارتله نيب و بو يارانان آ چيق دورومدان هر توره لي فايدالانماغي جهد ائديرلر . بئله حالدا عوموم خالق ، كيم و يا كيمسه لرين يول گوستريسيني گوز اونونه آليب و آنارشيسمه قارشي واحد بير يولو توتورلار ؟


تاريخ بويو تانديقيميز حركتلر ، توتاق مدني يا حربي ، توتاق انقلاب يا رونسا نس ، توتاق توپلومسال يا فردي ، هر حالدا بير سونونجو اولماليدير . و او دورومدا اولان ناراضي ليقلاري و ايسته كلري بيلندن سونرا ، اونلارين اوستونلويون سئرالاياندان سونرا ، ناراضي ليقلاري قالديريب و ايسته كلري يئرينه قوياندان سونرا « يئني دورومو ساخلاماق » پروسه سي دير . دوغروسو يوزده سگسان فاييز دئيشيك ليكلر بو دورومدا داغيليب و پارچالانميشلار . نه دن كي بير خالق بو سون و ان اونملي ايشي بير ائيله جيدي توتماييب و چوخ نه دنلره گوره چكديي زحمتلري بو باره ده هئچه چيخارميشلار . آنجاق او سونونجو قازانان ايگرمي فاييز كيم و يا كيمسه لردن اويوت آليب و دورومو سونونا كيمي ساخلاميشلار ؟


تابي كي ليدرلر بو دئيشيك ليكلرده چوخ اونملي روللاري اولموشدور . تانيديقيميز و بعضا تانيماديقيميز ليدرلر ، خالقلار آراسيندا چوخ ايزلر ياراداندان سونرا گورونور كي سونونا كيمي خالق ايچينده ياشاييب و ايده لر يايميشدير و گاهي گورونور يولون ياريسيندا ليدرلر مئيداني باشقا فيكيرلره بوراخيب و اوزلري مئيداني ترك ائتميشلر . تاربخ بويو بئله حادثه لر گونو گوندن هر بيري بير تهرله يارانيب و ياراتميشدير . آمما گلنده آذربايجانين ميللي حركتينه ، بئله فاكتلارين اوست اوسته دوشمه كلريني ، دوغروسو تاريخ بويو دونيادا گئده ن دئيشيك ليكلرله ، قياس ائتمه ك چوخ چئتين گورونور . دوروم بو گونه دك گئده ن دوروملارلا چوخ فرقلي اولاراق داها آرتيق و فرقلي مانورلار طلب ائدير . ناراضيليقلار چئشيدليكلرده ساييسيز اولاراق ، اونلارا اورتاقليق وئرمه ك ساده جه بير ايشه بنزه مير . ايسته كلر بو ناراضيليقلار اوزوندن داها ساييسيز گورونور . ايسته كلره اوستونلوك وئرمه ك ، اونلارا چاتماق يوللار ، ممكن يوللاري تاپماق ، بو يولا كيملري اونجيل ائتمه ك ، ثمر وئرمه ين يوللاري يئنيدن آراشديرماق ، آز وئرگيله چوخ دير قازانماق ، يئني يولا يولداش آرتيرماق ، يولداشلاري داواملي حالدا مايوس اولمادان ساخلاماق ، قارشيليقدا يارانان ساييسيز شانتاژلاري دفع ائتمه ك ، يولا قويولان مانعلري تانيماق ، اونلاري رد ائتمه ك ،.......و يوزلر بلكه مينلر بئله ايشلر جدي اولارق ميللي حركتله ياناشي ياشايير و حركت ائدير . بو حركته مختلف ياش دئييملرينه باخماياراق ، سنه لردير خالق ايچره بو حركت گوزه گورونمه ين ليدر و يا ليدرلر واسطه سيله ايره لي گئدير . ميللي حركتده اولان اوزه لليك و اونو تاريخده گئده ن حركتلرله تام فرقلي گوستره ن ، بئله اولور كي همين گورونمه ين ليدر يا ليدرلر ، يورولمادان و مطلق تلسمه دن ، بير به بير آذربايجان خالقيني يولونا و ايسته يينه ايناملي ائده رك ، سون نفره كيمي بو ايناما چاتديرينجا ، سانكي گوزه گورونمه ك ايسته ميرلر ! دوغروسو بو فاكت تير 18 – 19 بابك قالاسيندا آيدينجا گوروندو . آدليم چاتلانقوش اسطوره سي بو گون ده گوز اونونه گلدي . چاتلانقوشو آختارانلار نهايت اوزلريني چاتلانقوشون يوواسيندا ياناركن گوردولر ! دئمه ك ليدر همين اوزوموز وارميشيق ! دئمه ك بو گونه دك ميللي حركت بير دوغرو يولدا داوام ائديب و بوگون يولون نئچه فاييزين سووب و هانسي حيصه سينده دير ، بير تاكتيك اولاراق هئله ليك رسمي قئيده آلينمير . بئله حالدا بير پارالار ليدرليك سوزونو آرايا آتاركن ، مقصدلرين آذربايجان خالقينا بيلديررلر . آشينا – آشينا اوجاق باشينا بويوره ن لر ، بوگون خالق آراسي چوخ تانينميش بير اويونبازليقي تكرار ائديرلر . بئله بير گوجلو حركته ليدرليك ائتمه ك بير عقله سيغمايان گوج طلب ائدير ! و او بو گونون دوغرو قياسلاريله ممكن گورونمور . بس بونون سونو نئجه اولا بيلر ؟ ايه ر بو گون تكجه علاقه لر خالق آراسيندا يارانير و خالق بير بيريله بئله تك به تك دئييب ، دانيشير و آنلاشير ، آيا بو سويه ني سونرالار داوام ائتمه ك اولور؟ قئيد اولونان كيمي هر بير ايشين زامانيني دوروم بللي ائدير و ائده جك . البته گونو چاتاندا بو حركت ده ، مطلق بير مدني خالق ايچينده گئده ن بير مدني حركت اولاراق ، گوجلو پارتيالار ياراناجاقدير . پارتيالارين ايسته يي و مقصدي رسمي حالدا يازيليب و قئيده آليناجاقدير . و خالق ايسه بو ايسته كلر و مقصدلر اوزوندن بو پارتيالارا قوشولماليديلار . و پارتيالار ايسه ، بير مدني خالق پارتياسي اولاراق ، دقيقجه سئرالانيب و اوندا چاليشانلار عمومو و آزاد سئچگيلرده پارتيا باشچيلاريني بللي ائده جكلر . چئشيدلي پارتيالار باشچيلاري بير يئره توپلانيب و واحد مقصدي ، چئشيدلي يوللارلا ، ايزله يه رك ، عوموم خالقين ايسته يين اوزلريله برابر داشييب و ياشاداجاقلار . بئله حالدا ميللي حركت رسمي و بير اورگانيك حركت اولاراق نه تك اوز خالق ايله بلكه باشقا خالقلاريله ، حاكميتله و حتي يئر اوزونده ياشايان باشقا خالقلارلا اوز ايسته كلري حاققيندا دئييب ، دانيشيب و سونونج آلا بيله جكدير . و ميللي حركت بير غريبه و بلكه تاريخده تمثيلسيز بير حركت اولاراق اوز ( ليدر ) ين تامام حركتلر عكسينه سون گونده دونيايا اعلان ائده جكدير . كيم بيلير بو ليدر بير شخصدير يوخسا بير فيكير ؟ بير وفات ائتميش كسدير يوخسا بير اينام ؟ بير گنج ياشلي اينانميش بيريدير يوخسا بير قوجا شهر ؟ بلكه ده ميللي حركت ليدري آذربايجان تاريخينين بير گونودور ؟..........




زهره وفايي – تبريز


posted by 10:02 PM

Powered by Blogger

 

Zohre Vefayi

ZOHRE-AZ VEBLAQI

zohre-vefayi

Zohre Vefayi


ARCHIVES
EMAIL

مقاله-يازى



محرم و نامحرم
چؤره كچى مش ايسماعيل عمي
قادين و پوليتيك چاليشمالاري
كم سالترين بازداشتي سياسي تاريخ
تـــاريخ خــاطيره لـــردن يـــارانــيـــر
سـانـتـرالـيـسـم ، حـتـي در احـزاب سـيـاسـي
آقايان! تهـران را بـراي آذربـايـجـانـيـهـا نـاامـن نـسازيـد!
آذربايجان ائولادلارينا اوره کدن سالام!
منظري از ۲۱ آذر - زهره وفايي
ايـام آزادي پــان تــوركيســـــــم!
سواد آموزي، الزاماً فارسي آموزي نيست!
مردم، مجلس و مسئولان
فرزندان نامشروع استعمار
نامه هاي سرگشاده به مجلس هفتم
مهاجرت‌، خدمت‌ يا خيانت‌؟
آذربايجانين ميللي حركتي و آمريكا تاريخ بيزي گؤزله مه يه جك!
آفت هاى حركت ملى
عصرين هانسى بؤلومونده دايانميشيق؟
نارضايتي ها را جدي بگيريم!

شخصيتها-آدليملار


اشتباه بزرگ خليفه معتصم
پـروفـسـور مـحـمد تـقـي زهـتـابـي
حيدر عم‌اوغلو
مزدك
چرا آذربايجان قهرمانان خود را از ياد نمي برد؟!

ناغيل-سؤلجك


ELNÜR
بئشيك

شعر-قوشوق


ne yazım?
ياساق سئوگى
قاراداغ عاشيقي، عاشيق غافار ابراهيمىدن بير نئچه سؤز

شكيل-گؤرونتو


آثار باستاني آذربايجان به روايت تصوير -۱
آثار باستاني آذربايجان به روايت تصوير -۲
آثار باستاني آذربايجان به روايت تصوير -۳

معروضه-چيخيش


نمايشنامه-تئاتر اويونو


اوشاق نمايشي: يارديم چيل دوستلار

متفرقه-باشقا


زهره وفايي نين اثرلري
غوربتده‌ سؤنموش‌ اولدوزلار
زهره‌ وفائی‌: «مكتوب‌»
انجمن‌ كتاب‌ دوستان‌ آذربايجان‌


چئويرى-ترجمه


زبان و هويت